Info_Plattdüütsch

Elke leste Fredag in Juno, imme denn, wenn ok Sportdaag van SV Blau-Weiß Filsum e.V. is, is de Volksloop Filsum Löppt.
De 10. Filsum Löppt is an Fredag, de 28.06.2024.

Du kanns di hier up de Huussied van 02.04.2023 an unne de Punkt Anmeldung över dat Internet anmellen.

An Sönndag, de 23.06.2024 üm 23:50 Ühr sluten wi dat Internet of.

18:00 Ühr
400m Kinnerloop (bit Joargang 2017)

18:30 Ühr
2 km Schölerloop (Joargang 2011 bit 2017)

19:15 Ühr
5,2 km Loop

19:15 Ühr
5,2 km Wannern

19:15 Ühr
10,3 km Loop

Wenn sük över dat Internet noch kien 500 Lüü anmellt hebben, kann man sük an de Dag van Filsum Löppt  of 16:30 Ühr bit to´n half Stünn vör de Loop noch anmellen.
Dat namellen kost 4,-€ un för de Kinnerloop 1,-€.

Umdat elke Loper/Wanderslüü good mitlopen kann und ok tofree is, können wie nich mehr as 500 Deelnehmers unnerbrengen.
Dat tellt nich för de Schölers un de Kinner.

Wenn ji an de Dag van d´Loop doch kien Tied hebben sullen, is dat mögelk, de Platz an well anners to övergeven. Solang dat Internet open is, geiht dat. Geld gifft over nich torügg. Wenn ji wat ännern willt, bruken ji blot en E-Mail stüren.
Wenn dat all nicht to vööl Arbeid is, kriegen wi dat hen.

De Zeddel, dat Du mitlopen dürst, gifft dat blot an de Dag van Filsum Löppt van 16:30 Ühr of an up de Sportplatz van Filsum.

De Tied word elektronisch fasthollen, umdat de Nummer up Achtersied so´n Transponder (Kinnerloop hett dat nich) hett.
De Nummer draggst du an d´ Boost, so dat de elk un en sehn kann. Pass up,  dat de nich knickt word!
Wi stoppen de Tied, de du ok lopen büst, van d´ Start bit in´t Ziel.

400 m Kinnerloop
Jede kriggt´ n Daler an Band und ´ n Papier, dat he daarbi weer.

2 km Schölerloop
De Besten (m/w) in dat Oller U8, U10, U12 und U14 kriegen en Pokaal.
Jede kriggt´ n Daler an Band

5,2 km Loop
En Pokaal kriegen de dree Besten (m/w) un de dree Besten in dat Oller U18 (m/w).

10,3 km Loop
En Pokaal kriegen de dree Besten (m/w) un de dree Besten in dat Oller U18 (m/w).

All de mitmaken (blot de van de 400 m Kinnerloop nich) kriegen en T-Shirt.

Dat erste mal is de flinkste Loper van de 10,3 km Loop, de in Gemeen Jümme wohnt, in d´Joar 2018 besünners ehrt worn.
Siet 2019 gifft dat nich blot de „Flinkste Loper ut Jümme“, sondern ok de „Flinkste Loperin ut Jümme“.
För beid gifft dat en heel mooi Wannerpokaal. Um de Winner/ske to worden, muß du in d´ Gemeen Jümme meld wesen und bi Filsum Löppt de 10,3 km Loop mitlopen.

För de Lopes gifft dat unnerwegens wat to drinken. In´t Ziel steiht denn Tee, Water, isotonischen Drank un Appels un Bananen för all klaar.
Up Sportplatz kann man för en lüttje Obolus Bradwust, Pommes und wat to drinken van de Vereene ut Dörp kopen.

Up Sportplatz gifft dat för ümsünst Koffje und Koken för all Lopers und ok för de, de blot to kieken kommen. Backt word dat Ganze van uns Helpers, de dat all ehrenamtlich maken. De Koffje un de Bekers worden van Kaffeerösterei Baum ut Leer to Verfögen stellt.
Ok wenn dat all umsünst is, könnt ji geern wat in d´ Klingelbüddel smieten.
Dat Geld bruken wi denn in´t  nächste Joar för Filsum Löppt.

Wo flink du lopen büst un up welke Stee du steihst, kannst du in´t Internet nakieken. Dor kann sük ok elk de mitlopen is, sien Urkuun utdrucken.
Achteranstüren do wi de Urkunnen nich.

Umtrekken und duschen kannst du up dat Gelände van d´ Vereen.

Filsum Löppt  is en Veranstalten, wor elk und en mitmaken kann und wo de Spaaß an eerste Stee steiht. Över 45 Lüü  helpen uns ehrenamtlich und blot daardör is dat mögelk so´n Veranstalten up Been  to stellen. En heel dicke Dank an all, de uns freewillig un ehrenamtlich unner d´ Arms griepen.
Fein weer dat, wenn de Meesten sük över dat Internet anmellen, dann is dat an de Dag, weenher wi lopen, nich sovööl Arbeid.

Dör dat deelnehmen an de Veranstalten Filsum Löppt, word anerkannt, dat de Veranstalter nich  för Saken de kött gahn of klaut worn, upkamen deit.
Ok wenn sük en seer deit, kann de Veranstalter dor nix för. Dat tellt ok för Lüü, de blot tokieken.
All de, de mitlopen, verspreeken, gesund und ördentlik fit to wesen.

Jede de mitlöppt, is daarmit inverstaan, dat wi de Daten, de  bi d´Anmellen angeven worden un de Biller un Films, de bi Filsum Löppt makt worden, an Sponsoren un Partners van de Veranstalten wiedergeven und bruken, ohn dat he dar´ n Groschen för verlangen deit.

Daten worden maschinell speichert.

De Veranstalten is bi d´ Niedersächsischen Leichtathletik-Verband (NLV) anmeld un genehmigt.