INFOS 8. FILSUM LÖPPT

Wähle zunächst Deine Sprache:

  DEUTSCH            PLATT

Wennehr / Well

Elke leste Fredag in Juno, imme denn, wenn ok Sportdaag van SV Blau-Weiß Filsum e.V. is, is de Volksloop Filsum löppt.
De 8. Filsum löppt is an Fredag, de 26.06.2020.

Waar kann ik mi anmellen

Du kanns di hier up de Huussied van 02.04.2020 an unne de Punkt Anmeldung över dat Internet anmellen.

Wennehr is Enn mit anmellen

An Sönndag, de 21.06.2020 üm 23:50 Ühr sluten wi dat Internet of.

Wennehr kann ik welke Enden lopen

18:00 Ühr 400 m Kinnerloop (bit Joargang 2013)
18:30 Ühr 2 km Schölerloop (Joargang 2013 bit Joargang 2007)
19:15 Ühr 5,2 km Loop
19:15 Ühr 5,2 km Wannern
19:15 Ühr 10,3 km Loop

Wat dat kost

400 m Kinnerloop umsünst
2 km Schölerloop 7,00 €
5,2 km Loop 10,00 €
5,2 km Wannern 10,00 €
10,3 km Loop 10,00 €

Namellen

Wenn sük över dat Internet noch kien 500 Lüü anmellt hebben, kann man sük an de Dag van Filsum löppt  of 16:30 Ühr bit to´n half Stünn vör de Loop noch anmellen.
Dat namellen kost 4,-€ un för de Kinnerloop 1,-€.

Wennehr sünd wi to vööl Lüü

Umdat elke Loper/Wanderslüü good mitlopen kann und ok tofree is, können wie nich mehr as 500 Deelnehmers unnerbrengen.
Dat tellt nich för de Schölers un de Kinner.

Mörgenstüün hett Gold in Hals

Wo was datt noch?
Well n büült ett de sall ok loopen? Ode well vööl löppt sall düchtig eeten? Egol!
Van uns olln weeten wi, dat Fröhstück is de wichtigste Mahltied an Dach. Und dann weer dor ok noch de Vögel, de up tied hoch is und de dickste Wurms kricht.
Und watt kummt nu bi disse schlau Spröken rutt?
Well sück bi „Filsum löppt“ as een van de ersten anmeld, de hett de Möglichkeit sück dat bi een Frühstück so richtich good gaun to laaten.
Wo dat geit?
Well sück bit 30.05.2020 bi een vann uns Hauptloopen anmeeld (5.2km, 10.3km ode 5.2km keiern), de nimmt an een Verlosung deel.
To winnen gift dat een Gutschien för 4 Lüü to Fröhstück in de Gulfhof in Nortmoor.
Backe Behmann hett uns datt för dat 8. Filsum löppt as Pries schunken.
Sück up Tied anmelden word also belohnt.
Well dat wunnen hett, de kricht över dat Internet bescheid.
De Pries gift dat dann in Filsum, wenn wi de anne Priesen ok verdeelen!

Ofmelden & Ümmelden

Wenn ji an de Dag van d´Loop doch kien Tied hebben sullen, is dat mögelk, de Platz an well anners to övergeven. Solang dat Internet open is, geiht dat. Geld gifft over nich torügg. Wenn ji wat ännern willt, bruken ji blot en E-Mail stüren.
Wenn dat all nicht to vööl Arbeid is, kriegen wi dat hen.

Utgaav van de Papieren

De Zeddel, dat Du mitlopen dürst, gifft dat blot an de Dag van Filsum löppt van 16:30 Ühr of an up de Sportplatz van Filsum.

Wo stoppen wi de Tied

De Tied word elektronisch fasthollen, umdat de Nummer up Achtersied so´n Transponder (Kinnerloop hett dat nich) hett.
De Nummer draggst du an d´ Boost, so dat de elk un en sehn kann. Pass up,  dat de nich knickt word!
Wi stoppen de Tied, de du ok lopen büst, van d´ Start bit in´t Ziel.

Watt kann man winnen

Loop

To winnen gifft dat

400 m Kinnerloop Jede kriggt´ n Daler an Band und ´ n Papier, dat he daarbi weer.
2 km Schölerloop De Besten (m/w) in dat Oller U8, U10, U12 und U14 kriegen en Pokaal.
5,2 km Loop En Pokaal kriegen de dree Besten (m/w) un de dree Besten in dat Oller U18 (m/w).
10,3 km Loop En Pokaal kriegen de dree Besten (m/w) un de dree Besten in dat Oller U18 (m/w).
All de mitmaken (blot de van de 400 m Kinnerloop nich) kriegen en T-Shirt.

Flinkste Loper ut Jümme

Dat erste mal is de flinkste Loper van de 10,3 km Loop, de in Gemeen Jümme wohnt, in d´Joar 2018 besünners ehrt worn.
Siet 2019 gifft dat nich blot de „Flinkste Loper ut Jümme“, sondern ok de „Flinkste Loperin ut Jümme“.
För beid gifft dat en heel mooi Wannerpokaal. Um de Winner/ske to worden, muß du in d´ Gemeen Jümme meld wesen und bi Filsum löppt de 10,3 km Loop mitlopen.

Joar

Streek

Manlüü

Tied

Fraulüü

Tied

2018 10,3 km Kristian Lind 42:20 min
2019 10,3 km Kristian Lind 41:24 min Maris Aggen 52:45 min
2020 10,3 km ? ?

Wo worn ji versörgt

För de Lopes gifft dat unnerwegens wat to drinken. In´t Ziel steiht denn Tee, Water, isotonischen Drank un Appels un Bananen för all klaar.
Up Sportplatz kann man för en lüttje Obolus Bradwust, Pommes und wat to drinken van de Vereene ut Dörp kopen.

Wat för´n Müll

Bi sükse Veranstalten kummt imme´ n heel bült Plastikmüll binanne. Dat is nich mooi un wi sünd bestimmt nich de Enzigen de daartegen ankieken. Daarum bruken wi för de Drinkereei up Sportplatz Bekers, de man weerbruken kann. Disse Bekers  lehnen wi van Kaffeerösterei Baum ut Leer. Dicken Dank daarför!
Sowat kann over blot klappen, wenn de Bekers ok weer torügg brocht worden. Wiel, de sünd blot utlehnt! Also, passt´ n bietje up, und smiet de Bekers in de Emmers de daarför extra upstellt sünd.
Wi versöken daarmit so´n bietje wat för de Umwelt to doon un hopen, ji helpen dor all fix mit.

Koffje & Kokenbuffet

Up Sportplatz gifft dat för ümsünst Koffje und Koken för all Lopers und ok för de, de blot to kieken kommen. Backt word dat Ganze van uns Helpers, de dat all ehrenamtlich maken. De Koffje un de Bekers worden van Kaffeerösterei Baum ut Leer to Verfögen stellt.
Ok wenn dat all umsünst is, könnt ji geern wat in d´ Klingelbüddel smieten.
Dat Geld bruken wi denn in´t  nächste Joar för Filsum löppt.

Wo hebb ik ofsneden

Wo flink du lopen büst un up welke Stee du steihst, kannst du in´t Internet nakieken. Dor kann sük ok elk de mitlopen is, sien Urkuun utdrucken.
Achteranstüren do wi de Urkunnen nich.

Umtrekken / Duschen

Umtrekken und duschen kannst du up dat Gelände van d´ Vereen.

Wat uns ant Hart liggt

Filsum löppt  is en Veranstalten, wor elk und en mitmaken kann und wo de Spaaß an eerste Stee steiht. Över 40 Lüü  helpen uns ehrenamtlich und blot daardör is dat mögelk so´n Veranstalten up Been  to stellen. En heel dicke Dank an all, de uns freewillig un ehrenamtlich unner d´ Arms griepen.
Fein weer dat, wenn de Meesten sük över dat Internet anmellen, dann is dat an de Dag, weenher wi lopen, nich sovööl Arbeid.

Bedingungen

Dör dat deelnehmen an de Veranstalten Filsum löppt, word anerkannt, dat de Veranstalter nich  för Saken de kött gahn of klaut worn, upkamen deit.
Ok wenn sük en seer deit, kann de Veranstalter dor nix för. Dat tellt ok för Lüü, de blot tokieken.
All de, de mitlopen, verspreeken, gesund und ördentlik fit to wesen.

Datenschutz

Jede de mitlöppt, is daarmit inverstaan, dat wi de Daten, de  bi d´Anmellen angeven worden un de Biller un Films, de bi Filsum löppt makt worden, an Sponsoren un Partners van de Veranstalten wiedergeven und bruken, ohn dat he dar´ n Groschen för verlangen deit.

Hinweis laut Datenschutzgesetz:

Daten worden maschinell speichert.

Mellen van de Veranstalten

De Veranstalten is bi d´ Niedersächsischen Leichtathletik-Verband (NLV) anmeld un genehmigt.

Wir benutzen Cookies um die Nutzerfreundlichkeit der Webseite zu verbessen. Durch Deinen Besuch stimmst Du dem zu.